शुक्रवार, आश्विन ३० २०८३११:३३
कैलाली । कैलालीमा भन्सार छली गरी भारतबाट ल्याइएका करिब २ लाख ४७ हजार रुपैयाँ मूल्यका कपडासहित तीन जना पक्राउ परेका छन्।
जिल्लाको बर्दगोरिया गाउँपालिका–१ स्थित बौनियाँ चोकबाट भजनी जाने सडकखण्डमा शंकास्पद रूपमा जाँच गर्ने क्रममा प्रहरीले कपडासहित अटो र त्यसमा सवार तीन जनालाई नियन्त्रणमा लिएको हो।
प्रहरीका अनुसार जानकी गाउँपालिका–५ बस्ने ३५ वर्षीय विपत राम चौधरीले चलाएको सुपप्र ००१ ह ४२५३ नम्बरको अटोमा भारतबाट भन्सार छली गरी ल्याइएका साना तथा ठूला सर्ट फेला परेका थिए।
बरामद कपडाको अनुमानित मूल्य २ लाख ४७ हजार १७५ रुपैयाँ रहेको प्रहरीले जनाएको छ। पक्राउ पर्नेमा अटो चालक चौधरीसहित टीकापुर नगरपालिका–१ निवासी ३८ वर्षीय रामबहादुर टमाटा र ४९ वर्षीय प्रकाश कुँवर रहेका छन्।
इलाका प्रहरी कार्यालय सडकपुर, बौनियाँबाट खटिएको प्रहरी टोलीले बिहीबार दिउँसो उनीहरूलाई नियन्त्रणमा लिएको हो।
प्रहरीले आवश्यक प्रक्रिया पूरा गरेपछि बरामद कपडा, अटो र पक्राउ परेका तीनै जनालाई थप कारबाहीका लागि सत्ती भन्सार कार्यालय, कैलालीमा पठाएको जनाएको छ।
Be the first to comment!
© 2026 All right reserved to rastrakhabar.com
Site BY Sobij
युनिकोड
पात्रो
ताजा
लोकप्रिय
प्रतिक्रिया दिनुहोस