शुक्रवार, आश्विन ३० २०८३११:४७
काठमाडौं । अमेरिकी राष्ट्रपति डोनाल्ड ट्रम्पले अमेरिकाले इरानविरुद्ध परमाणु हतियार प्रयोग नगर्ने स्पष्ट पारेका छन्। उनले इरानी भूमिमा अमेरिकी स्थल सेना तैनाथ गर्ने सम्भावनालाई पनि अस्वीकार गरेका छन्।
न्यूजम्याक्सलाई दिएको एक अन्तर्वार्तामा ट्रम्पले परमाणु हतियार प्रयोग गर्नुपर्ने कुनै आवश्यकता नरहेको बताएका हुन्।
‘म परमाणु हतियारको प्रयोग गर्ने छैन। हामीलाई त्यसो गर्नु पर्ने कुनै आवश्यकता नै छैन,’ उनले भने।
अन्तर्वार्ताका क्रममा ट्रम्पले ‘मदर अफ अल बम’ को पनि उल्लेख गरेका छन्। सीएनएनको एक रिपोर्टअनुसार इरानमाथि हुन सक्ने सम्भावित आक्रमणका लागि अत्यन्त शक्तिशाली गैरपरमाणु बम प्रयोग गर्ने विकल्पबारे विचार गर्न सकिनेछ।
ट्रम्पले उक्त बमलाई परमाणु हतियार नभएको उल्लेख गर्दै भने, ‘यो एउटा धेरै ठूलो बम हो, तर परमाणु बम भने होइन।’
यसैबीच, राष्ट्रपति ट्रम्पले अमेरिकाले परमाणु निशस्त्रीकरणको विषयमा रुस र चीनसँग वार्ता गरिरहेको जानकारी दिएका छन्। उनको यो भनाइ अन्तर्राष्ट्रिय स्तरमा परमाणु हतियार नियन्त्रण र सुरक्षा सम्बन्धी छलफल भइरहेका बेला आएको हो।
अमेरिकामा मध्यावधि निर्वाचन नजिकिँदै गर्दा इरानसँगको तनाव र सम्भावित युद्धको विषय पनि राजनीतिक बहसको केन्द्रमा छ। हालैका जनमत सर्वेक्षणहरूमा इरानसँगको तनावका कारण ट्रम्पको लोकप्रियता घटेको देखिएको विवरण सार्वजनिक भएका छन्।
Be the first to comment!
© 2026 All right reserved to rastrakhabar.com
Site BY Sobij
युनिकोड
पात्रो
ताजा
लोकप्रिय
प्रतिक्रिया दिनुहोस