बिहिवार, श्रावण ७ २०८३०८:१३
भारतको राजधानी नयाँ दिल्लीस्थित जन्तर–मन्तरबाट सुरु भएको विद्यार्थी आन्दोलन बुधबार थप चर्किएको छ। परीक्षा घोटालाको निष्पक्ष छानबिन, शिक्षा प्रणालीमा सुधार र शिक्षामन्त्री धर्मेन्द्र प्रधानको राजीनामाको माग गर्दै जारी आन्दोलन राजधानीबाट देशका विभिन्न सहरमा फैलिएको छ।
एएफपीका अनुसार जन्तर–मन्तरमा हजारौँ विद्यार्थी भेला भएर प्रदर्शन गरिरहेका छन् भने मुम्बई, बेङलुरु, पटना लगायतका सहरमा पनि विरोध प्रदर्शन जारी छ। विपक्षी दलहरू र अधिकारकर्मीहरूले आन्दोलनलाई समर्थन जनाउँदै सरकारसँग जवाफदेहिता मागेका छन्।
परीक्षा प्रश्नपत्र लिक प्रकरणपछि सुरु भएको आन्दोलन अहिले मोदी सरकारका लागि ठूलो राजनीतिक चुनौतीका रूपमा हेरिएको छ। संसद्भित्र पनि विपक्षी दलहरूले प्रहरीको बल प्रयोगको विरोध गर्दै सरकारसँग सार्वजनिक माफी र विद्यार्थीका माग सम्बोधन गर्न आग्रह गरेका छन्।
यता शिक्षामन्त्री धर्मेन्द्र प्रधानले सरकारले शिक्षा क्षेत्रमा सुधार र परीक्षा प्रणालीलाई पारदर्शी बनाउन आवश्यक कदम चाल्ने प्रतिबद्धता जनाएका छन्। तर आन्दोलनरत विद्यार्थीहरूले माग पूरा नभएसम्म आन्दोलन नरोकिने बताएका छन्।
Be the first to comment!
© 2026 All right reserved to rastrakhabar.com
Site BY Sobij
युनिकोड
पात्रो
ताजा
लोकप्रिय
प्रतिक्रिया दिनुहोस