सोमवार, बैशाख २८ २०८३१२:२१
काठमाडौंस्थित नोभा क्लबमा शनिबार राति सम्पन्न बक्सिङ प्रतियोगितामा नेपाली बक्सर फुङहाङ लिम्बुले भारतीय प्रतिद्वन्द्वीमाथि शानदार नकआउट जित हात पारेका छन्।
प्रतिस्पर्धाको सुरुआतदेखि नै आक्रामक प्रदर्शन गरेका लिम्बुले शक्तिशाली मुक्काको वर्षा गर्दै खेलमा पूर्ण दबाब बनाएका थिए।पहिलो राउन्डमा लगातार प्रहार गरेपछि भारतीय बक्सर लड्न नसक्ने अवस्थामा पुगेका थिए। त्यसपछि रेफ्रीले खेल रोक्दै फुङहाङलाई विजेता घोषणा गरेका हुन्।
लिम्बुको उत्कृष्ट प्रदर्शनपछि नोभा क्लबमा उपस्थित दर्शकहरूले उत्साहपूर्ण रूपमा उनको जितको स्वागत गरेका थिए। प्रतियोगिता हेर्न ठूलो संख्यामा दर्शकहरूको उपस्थिति रहेको थियो।
खेलपछि प्रतिक्रिया दिँदै लिम्बुले आफ्नो जित नेपाली समर्थक तथा प्रशिक्षक टोलीलाई समर्पण गरेका छन्। उनले आगामी अन्तर्राष्ट्रिय प्रतियोगिताहरूमा अझ उत्कृष्ट प्रदर्शन गर्ने विश्वास समेत व्यक्त गरे।
आयोजकका अनुसार प्रतियोगितामा नेपाल र भारतका विभिन्न बक्सरहरूको सहभागिता रहेको थियो।
Be the first to comment!
© 2026 All right reserved to rastrakhabar.com
Site BY Sobij
युनिकोड
पात्रो
ताजा
लोकप्रिय
प्रतिक्रिया दिनुहोस